Cora cainte na Gaeilge is mó a thaitníonn leat

Riadach

Well-known member
Joined
Feb 9, 2007
Messages
12,817
Ar ndóigh tá an tsnáith seo ina chomhartha omóis don cheann úd san auld country. Ach dé bhur measa? Cad é an frása Gaeilge is mó a thaitníonn leat ar bhonn céille, grinn, léaspairte nó doimhneachta?
 


An Ghearb

Member
Joined
Jan 29, 2007
Messages
60
N'fheadar ar deineadh tagairt don gceann seo a leanas ar an tsnáith Bhéarla, ach ceann des na nathanna cainte is mó a thaitníonn liom ná an chomhairle a fuair Bob Dylan, agus é ina cheoltóir óg, ó Liam Clancy, .i. "Remember Bob, no meanness, no envy, no fear." Ait go leor, tá sé sin le fáil sa réamhrá leis an leagan de Tháin Bó Chuaille atá in Leabhar Laighean: deir Méabh nár thoiligh sí rí Theamhrach ná rí Uladh ná rí Laighean a phósadh nuair a thánadar ag triall uirthi, mar b'é a a bhí uaithi (rud nár iarr bean riamh ar fhearaibh na hÉireann, a deir sí) ná fer cen neóit, cen ét, cen omon, 'fear gan neoid, gan éad, gan uamhan'.

Ach is fearr liom an leagan Béarla ná an leagan Gaeilge (bhuel, is fearr liom an rud a bhí i gceist ag Mac Fhlannchaidh ná mian Mhéabha).

Cad go díreach atá i gceist agat? Is aoibhinn liom na nathann laethúla ar nós na seanfhocail shimplí atá sa chaint fós. "Más peaca a bheith buí, tá na mílte damanta", mar shampla. An-chuid acusan ann.

Tá na mílte nathanna beaga chomh maith sa ghnáthchaint a thaitníonn liom: "ní chuireann sé isteach ná amach orm", "ar muin na muice", "ní cathair mar a thuairisc é", "shéidfeadh sé fuil shrón", "d'íosfá an gharbhach", "ó, tá fios do bhéasa agat", ag súgradh, le cara leat a d'osclódh an doras duit…a leithéid sin. Línte rithimiúla as a bhfuil agam d'fhilíocht nó d'amhráin anois is arís — níos annaimhe ná ba mhaith liom — buaileann siad mé agus amach leo as mo bhéal, "mo ghrá go daingean thú!", "ba chuma léi cam é nó díreach ach a bheith aige caora is ba", "leigheas le fáil níl agam go brách", srl.

Tá cuma sort shuarach ar an méid sin thuas ach níl faic eile ag teacht chugham anois agus mé ad iarraidh smaoineamh orthu. Geobhaimid a thuilleadh de réir a chéile gan dabht. ("Nuair a chacann an ghé, cacann siad go léir." ;) )
 

DeGaulle 2.0

Well-known member
Joined
Oct 2, 2008
Messages
1,994
Website
ga.wikipedia.org
Ar bhonn grinn:
- B'é Lehmans cúis na faidhbe
- Is fadhb idirnáisiúnta í
- Fuair mé comhairle den scoth
- Níl mé freagrach
 

Culann

Well-known member
Joined
Nov 27, 2007
Messages
416
'Tugadh íde na muc is na ngadhar dó'. Chuala mé inné é agus cheap mé go raibh sé deas. Seachas sin ní féidir liom smaoineamh ar aon rud faoi láthair.
 

Seánod

Active member
Joined
Apr 5, 2005
Messages
208
...ó tharla in áit na garaíochta thú...

Fuair mé sin ón chéad scéal in Cith is Dealán le Séamas Ó Grianna, Sagart Éamoinn Sheáin Óig

is é is ciall leis, do dhuine ar bith agaibh nár chuala riamh é, ná ós rud é go bhfuil tusa in áit inar féidir leat an gar sin a dhéanamh domh (gan mórán dua a chur ort féin)... ní thig liom smaointiú ar cad é a déarfainn i mBéarla sa chás áirithe sin... 'seeing as you're there anyway, get me x, y, nó z????'
 

Johnny

Well-known member
Joined
Apr 29, 2004
Messages
1,215
Uisce faoi thalamh.
Tá mé thíos le rud éigin.
Tá airgead agam ort.
Mothaím uaim thú.

.... agus na céadta ceann eile nach iad.

Thaitin an Briathar Saor liom i gcónaí, toisc chomh héagsúil is atá sé ón bhfoirm Bhéarla, agus mar gheall air shaibhreas gleoite na bhfoirmeacha - na cinn neamhrialta, ach go háirithe: Thángthas, Gheofar, Táthar, Chonacthas, Déarfaí srl.
 

duine n

Well-known member
Joined
Aug 29, 2006
Messages
6,457
Na trí ghairm is ionraice:
Bancaeracht, poilitíocht agus na meáin sóisialta :)
 


New Threads

Popular Threads

Most Replies

Top