• Due to a glitch in the old vBulletin software, some users were "banned" when they tried to change their passwords at the end of February. This does not apply after the site was converted to Xenforo. If you were affected by this, please contact us.

Fuirseoir Conspóideach : Jan Böhmermann

duine n

Well-known member
Joined
Aug 29, 2006
Messages
6,396
Seo fuirseoir a chasadh liom scaitheamh ó shoin ar an idirlíon; agus anois tá sé i sáinn.

German comedian Jan Böhmermann could face prison for 'smear poem' against Turkish President Erdogan | People | News | The Independent


Is maith liom greann, agus aon rud a bhaineann gáirí asam, is fiú go mór é, cé nach bhfuil mé baileach cinnte ná dheachaidh sé thar fóir le "dán achasáin" a d'aithris sé i leith Uachtarán na Tuirce.

Ach seo físeán a bhain gáire asam agus atá ina aoir chomh maith agus a chuala mé riamh; agus lán gaoise fosta

https://www.youtube.com/watch?v=HMQkV5cTuoY


Bainigí taitneamh as!
 
Last edited:


duine n

Well-known member
Joined
Aug 29, 2006
Messages
6,396
Seo fuirseoir a chasadh liom scaitheamh ó shoin ar an idirlíon; agus anois tá sé i sáinn.

German comedian Jan Böhmermann could face prison for 'smear poem' against Turkish President Erdogan | People | News | The Independent


Is maith liom greann, agus aon rud a bhaineann gáirí asam, is fiú go mór é, cé nach bhfuil mé baileach cinnte ná dheachaidh sé thar fóir le "dán achasáin" a d'aithris sé i leith Uachtarán na Tuirce.

Ach seo físeán a bhain gáire asam agus atá ina aoir chomh maith agus a chuala mé riamh; agus lán gaoise fosta

https://www.youtube.com/watch?v=HMQkV5cTuoY


Bainigí taitneamh as!

Agus tuige a bhfuil Erdogan ina dhíol achasáin aige?

Sa Tuirc, tá 32 iriseoir i bpriosún de dheasca sárú chead cainte.

Sa Tuirc, tá gearán i gcoinne 1845 duine chionn is gur thug iad "achasán" do Erdogan!
 

Cellachán Chaisil

Well-known member
Joined
Mar 3, 2009
Messages
9,841
Glámh dígeann!!


Sin an focal a bhí á lorg agam :)
An rud a chuirfeadh luisne ar leiceann duine.

Ba chontúirteach an mhaise duine a rionnadh sa sean-am leis. Deirtear gurbh é shin ba thrúig báis do Thadhg Dall Ó hUiginn.
 

duine n

Well-known member
Joined
Aug 29, 2006
Messages
6,396
An rud a chuirfeadh luisne ar leiceann duine.

Ba chontúirteach an mhaise duine a rionnadh sa sean-am leis. Deirtear gurbh é shin ba thrúig báis do Thadhg Dall Ó hUiginn.
luisne ar leiceann duine? Bhí mé ag smaoineamh go raibh glámh dígeann i bhfad níos doimhne ná sin; níos géire ná aoir?

An chonspóid seo faoin dán sa Ghearmáin i leith Erdogan, tá mé ag iarraidh á thuigsint i dtéarmaí na Gaeilge.

Is ionadh dom gur sa "sean-am" a bhí an rionnadh (dea-fhocal ) in Éirinn. Tá na Gearmáinigh chun tosaigh orainn sa lá inniu
 

Cellachán Chaisil

Well-known member
Joined
Mar 3, 2009
Messages
9,841
luisne ar leiceann duine? Bhí mé ag smaoineamh go raibh glámh dígeann i bhfad níos doimhne ná sin; níos géire ná aoir?
Bhí aortha ann a chuir clog ar aghaidh a n-ábhar aortha. Deirtear gurb as sin a tháinig an focal milleán sa Ghaeilge. Milleán a chur ar dhuine = neascóid a ardú ar a ghrua. Ach bhí ceann cinnte a dhéanfadh sloic sa talamh chun ábhar an aortha a shlogadh anuas. Ach bhí comhdháil easpag is ardfhile de dhíth chun é sin a chur i gcrích. Arbh é sin an ceann a bhí i gceist agat?

An chonspóid seo faoin dán sa Ghearmáin i leith Erdogan, tá mé ag iarraidh á thuigsint i dtéarmaí na Gaeilge.

Is ionadh dom gur sa "sean-am" a bhí an rionnadh (dea-fhocal ) in Éirinn. Tá na Gearmáinigh chun tosaigh orainn sa lá inniu
Tá siad chun tosaigh orainn ó thaobh díoltas a agairt ar rionnadóirí leis. Tuigim go bhfuil dlíthe di-aithise fós i bhfeidhm in Éirinn, ach tá áiteanna amuigh ansin san Eoraip, áiteanna a shamhlaímid le saoirse an Iarthair leis, inar féidir píonós a ghearradh ar dhuine má thugann sé achasán don Uachtarán. Is mithid athbhreithniú a dhéanamh orthu.
 
Last edited:

duine n

Well-known member
Joined
Aug 29, 2006
Messages
6,396
Bhí aortha ann a chur clog ar aghaidh a n-ábhar aortha. Deirtear gurb as sin a tháinig an focal milleán sa Ghaeilge. Milleán a chur ar dhuine = neascóid a ardú ar a ghrua. Ach bhí ceann cinnte a dhéanfadh sloic sa talamh chun ábhar an aortha a shlogadh anuas. Ach bhí comhdháil easpag is ardfhile de dhíth chun é sin a chur i gcrích. Arbh é sin an ceann a bhí i gceist agat?



Tá siad chun tosaigh orainn ó thaobh díoltas a agairt ar rionnadóirí leis. Tuigim go bhfuil dlíthe di-aithise fós i bhfeidhm in Éirinn, ach tá áiteanna amuigh ansin san Eoraip, áiteanna a shamhlaímid le saoirse an Iarthair leis, inar féidir píonós a ghearradh ar dhuine má thugann sé achasán don Uachtarán. Is mithid athbhreithniú a dhéanamh orthu.

"as sin a tháinig an focal milleán sa Ghaeilge" Suimiúil

"Ach bhí ceann cinnte a dhéanfadh sloic sa talamh....... Arbh é sin an ceann a bhí i gceist agat?

Níl fhios agam. Glacaim go bhfuil saghasanna aortha ann, agus bhí mé ag iarraidh déanamh amach an saghas a bhí ag Jan. Tá fúm Gaeilge a chuir ar an dán aige má fhaighim deis.

"Tá siad chun tosaigh orainn ó thaobh díoltas a agairt ar rionnadóirí leis". Sé is údar iontais go gcuirfeadh fuirseoir sa lá inniu ann an dua air fhéin dán a scríobh agus a aithris ar teilifís a aorfadh polaiteoir. Dán! Cé a cheannóchas dán? Cé a thógas ceann de? Cé a bhainfeadh gaisneas as sa lá inniu ann le pointe polaitiúil a dhéanamh?.

Chuir sí ionadh, agus gliondar orm cé chomh "chumhachtach" is atá filíocht fós.

Agus tá ceist leabhail agus clúmhillte ann

Agus tuige a bhfuil Erdogan ina dhíol achasáin aige?

Sa Tuirc, tá 32 iriseoir i bpriosún de dheasca sárú chead cainte.

Sa Tuirc, tá gearán i gcoinne 1845 duine chionn is gur thug iad "achasán" do Erdogan!
Sa Tuirc chomh maith!
 

Cellachán Chaisil

Well-known member
Joined
Mar 3, 2009
Messages
9,841
In Éirinn fadó, an t-aon leigheas a bhí ar aoradh ná moladh. An mbeadh Jan sásta adhmholadh a chumadh in ómós d'Eardhubhán? Fiú i ré na Seanghaeilge, d'aithníodar go raibh moladh i bhfoirm aortha ann agus aoradh i bhfoirm molta.
 

duine n

Well-known member
Joined
Aug 29, 2006
Messages
6,396
In Éirinn fadó, an t-aon leigheas a bhí ar aoradh ná moladh. An mbeadh Jan sásta adhmholadh a chumadh in ómós d'Eardhubhán? Fiú i ré na Seanghaeilge, d'aithníodar go raibh moladh i bhfoirm aortha ann agus aoradh i bhfoirm molta.
Suimiúil arís.

Is dóigh gurb é an chiall taobh thiar ded ráitéis, dá ndéanfadh Ergodan rud a thuillfeadh a mholadh go sáródh sé sin an aoir.

Beag an baol, sílim.

De réir dealraimh, tharraing Jan an tost ar féin mar chosaint!


Sílim go raibh Jan ag déanamh aithris ar aorthóirí na Laidne. Is dóigh go raibh said chomh dona!

Origin of the Roman Satire Genre
 

duine n

Well-known member
Joined
Aug 29, 2006
Messages
6,396
Glámh dígeann!!


Sin an focal a bhí á lorg agam :)
Ach bhí comhdháil easpag is ardfhile de dhíth chun é sin a chur i gcrích. Arbh é sin an ceann a bhí i gceist agat?
Fuair mé seo:
Tá cur síos Meán Ghaeilge againn ar an saghas aoire a dtugtaí "glam dichenn" (glámh dígeann) air. Rachadh mórsheisear filí - file de gach grád - le héirí gréine go mullach áirithe chun an aoir a dhéanamh ar an rí a mbeidís ina choinne.(Irische Texte III, 98-9.)

An ionann é agus dán a aithris ar teilifís an lá inniu?
 

Cellachán Chaisil

Well-known member
Joined
Mar 3, 2009
Messages
9,841
Fuair mé seo:
Tá cur síos Meán Ghaeilge againn ar an saghas aoire a dtugtaí "glam dichenn" (glámh dígeann) air. Rachadh mórsheisear filí - file de gach grád - le héirí gréine go mullach áirithe chun an aoir a dhéanamh ar an rí a mbeidís ina choinne.(Irische Texte III, 98-9.)

An ionann é agus dán a aithris ar teilifís an lá inniu?
Sin an ceann slogthach a bhí i gceist agam, measaim.

Ag dul ar ais ag an méid a dúras i dtaobh na gcloganna ní ba thúisce, sa Nua-Ghaeilge maireann "thóg mé spuaiceanna air" mar bhealach chun "thug mé íde dó" a rá. Cultúr an tseanama cailcthe fós i dteanga an lae inniu.

In ainneoin go raibh filí ann ar níodh a gcosa mar gheall ar aor a chumadar, bhíodar in ainm is a bheith díolmhaithe ó phíonós saolta. Saor-phreas de shaghas a bhí iontu sa luath-ré, b'fhéidir, chun ríthe a lochtú dá rachaidís thar cuimse a gcumhachta.
 

duine n

Well-known member
Joined
Aug 29, 2006
Messages
6,396
Sin an ceann slogthach a bhí i gceist agam, measaim.

Ag dul ar ais ag an méid a dúras i dtaobh na gcloganna ní ba thúisce, sa Nua-Ghaeilge maireann "thóg mé spuaiceanna air" mar bhealach chun "thug mé íde dó" a rá. Cultúr an tseanama cailcthe fós i dteanga an lae inniu.

In ainneoin go raibh filí ann ar níodh a gcosa mar gheall ar aor a chumadar, bhíodar in ainm is a bheith díolmhaithe ó phíonós saolta. Saor-phreas de shaghas a bhí iontu sa luath-ré, b'fhéidir, chun ríthe a lochtú dá rachaidís thar cuimse a gcumhachta.
Anois nuair a chaithim súil ar an aorthacht sa Ghaeilge, is léir go bhfuil a stair fada agus ramhar.

Spuaiceanna, a bhuachaill? Tá cumhacht thairis sin ag an aoir.

De réir Annála Ríochta Éireann, in 1414 tá cúntas ar fhear a maraíodh. Fear Ionaid Rí Shasana a bhí ann, Sir John Stanley, "John Zanlae .i. fear ionaid righ Saxan" agus an file Niall Ó hUiginn a rinne an aoir. Fuair mo dhuine bás cúig seachtainní i ndiaidh chumadh na haoire.
"Feart file" a thug siad an an ngníomh.

Sin filíocht :)
 

Cellachán Chaisil

Well-known member
Joined
Mar 3, 2009
Messages
9,841
Anois nuair a chaithim súil ar an aorthacht sa Ghaeilge, is léir go bhfuil a stair fada agus ramhar.

Spuaiceanna, a bhuachaill? Tá cumhacht thairis sin ag an aoir.

De réir Annála Ríochta Éireann, in 1414 tá cúntas ar fhear a maraíodh. Fear Ionaid Rí Shasana a bhí ann, Sir John Stanley, "John Zanlae .i. fear ionaid righ Saxan" agus an file Niall Ó hUiginn a rinne an aoir. Fuair mo dhuine bás cúig seachtainní i ndiaidh chumadh na haoire.
"Feart file" a thug siad an an ngníomh.

Sin filíocht :)
Go maith chun na lucha a mharú, ina chuideachta.
 

duine n

Well-known member
Joined
Aug 29, 2006
Messages
6,396
Go maith chun na lucha a mharú, ina chuideachta.
Is cuimhin liom léamh in áit éigin mar gheall ar Phatrick Kavanagh, an file béarla. Dúirt sé nuair a bhí sé ag dul amuigh air gur scríobh sé filíocht, gur tháinig duine chuige le "coimisiún" dó. Dhíolfadh sé airgead dó le aoir a scríobh ar a léithéid seo.

Níor athraigh morán puinn.

Lucha? Nach raibh siadsan ina mbéadaí bídh ag na Rómhánaigh?

In Éirinn freisin, chuirfinn geall air.
 

Cellachán Chaisil

Well-known member
Joined
Mar 3, 2009
Messages
9,841
Is cuimhin liom léamh in áit éigin mar gheall ar Phatrick Kavanagh, an file béarla. Dúirt sé nuair a bhí sé ag dul amuigh air gur scríobh sé filíocht, gur tháinig duine chuige le "coimisiún" dó. Dhíolfadh sé airgead dó le aoir a scríobh ar a léithéid seo.

Níor athraigh morán puinn.

Lucha? Nach raibh siadsan ina mbéadaí bídh ag na Rómhánaigh?

In Éirinn freisin, chuirfinn geall air.
Lucha codlamáin. Ní raibh mórán acusan in Éirinn. Thángthas ar cheann amháin acu i gCill Dara le deireanas, áfach.

Meas tú nuair a deirimid "ná tóg ormsa é" gur spuaic an t-é sin?
 

duine n

Well-known member
Joined
Aug 29, 2006
Messages
6,396
Lucha codlamáin. Ní raibh mórán acusan in Éirinn. Thángthas ar cheann amháin acu i gCill Dara le deireanas, áfach.

Meas tú nuair a deirimid "ná tóg ormsa é" gur spuaic an t-é sin?
Is feoil feoil ina dhaidh sin!

"ná tóg ormsa é"? Suimiúil, ach tá an briathar sin fairsing anois. Nach aoibhinn dúinn agus tógaíocht orainn, sinn tógtha go maith?

(Tá orm imeacht anois. Slán tamall )
 

duine n

Well-known member
Joined
Aug 29, 2006
Messages
6,396
In ainneoin go raibh filí ann ar níodh a gcosa mar gheall ar aor a chumadar, bhíodar in ainm is a bheith díolmhaithe ó phíonós saolta. Saor-phreas de shaghas a bhí iontu sa luath-ré, b'fhéidir, chun ríthe a lochtú dá rachaidís thar cuimse a gcumhachta.
Is dóigh go raibh na filí ag cur ina luí ar dhaoine go raibh cumhachtaí osnádúrtha ag a gcuid focal, go háirithe in aortha. Cad is fiú bheith géar muna bhfuil cur leis? B'fhiúide an saothraí a thuarastal!

D'éirigh leo é sin a chur i luí gaidhte ar na daoine go paiteanta sa mhéid gur fhan sé sa bhéalaithris go raibh cumhachtaí acu.
 

Cellachán Chaisil

Well-known member
Joined
Mar 3, 2009
Messages
9,841
Is dóigh go raibh na filí ag cur ina luí ar dhaoine go raibh cumhachtaí osnádúrtha ag a gcuid focal, go háirithe in aortha. Cad is fiú bheith géar muna bhfuil cur leis? B'fhiúide an saothraí a thuarastal!

D'éirigh leo é sin a chur i luí gaidhte ar na daoine go paiteanta sa mhéid gur fhan sé sa bhéalaithris go raibh cumhachtaí acu.
Bhí cumhachtaí polaitiúla acu dá thoradh freisin. Is minic a bhí filí i láthair agus conarthaí nó comhaí síthe á n-aontú. Glacadh leis go n-aorfadh an file an duine nár chomhall a gheallúintí.
 


New Threads

Popular Threads

Most Replies

Top